მეათე დღე

მეათე მეცადინეობაზე მოსწავლეებმა შეძლეს მიღებული ცოდნის წარმოჩენა . იმუშავეს ტესტზე ბუკში.

მეცხრე დღე

საწრეო მუშაობის მეცხრე დღეს მოსწავლეებმა დასახელებული საგნები დაალაგეს ერთის და ბევრის მიხედვით. დაკვირვების საფუძველზე გამოიტანეს დასკვნა , რომ ერთი საგანი აღნიშნავს მხოლობით რიცხვს, ხოლო ბევრი მრავლობით რიცხვს. ბარათებზე შეავსეს გამოტოვებული ადგილები. გაარკვიეს სად უნდა ყოფილიყო საგანი მხოლობით რიცხვში და სად მრავლობითში.

მერვე დღე

მერვე მეცადინეობაზე მოსწავლეებმა აქტივობით "ყველაზე ყურადღებიანი" შეძლეს მითითებულ საგნებზე კითხვის სწორად დასმა. იმუშავეს ბარათებზე, ჩასვეს გამოტოვებული სიტყვები, იმუშავეს ბუკში.

მეშვიდე დღე

მეშვიდე მეცადინეობაზე მოსწავლეებმა დაასახელეს სხვადასხვა საგნები. მათ მიერ დასახელებული საგნები ჩამოწერეს ფლიფჩარტზე და შეაერთეს კითხვებთან ვი? და რა? შემდეგ კი გამოთქვეს აზრი დაეჯგუფებინათ ვინ და რა ჯგუფის მიხედვით, დააჯგუფეს და შეავსეს ცხრილი:

მეექვსე დღე

მეექვსე მეცადინეობაზე მოსწავლეებმა "გონებრივი იერიშის " გამოყენებით დაასახელეს საგნები, შემდეგ კი მათ მიერ დასახელებული საგნები დააჯგუფეს სულიერ და უსულო საგნებად და შეავსეს ცხრილი ბუკში. ბოლოს კი წაიკითხეს ტექსტი "დილის სურათი" და შეასრულეს დამოუკიდებელი სამუშაო:

.

მეხუთე დღე

მეხუთე დღეს მოსწავლეებმა დაათვალიერეს სურათები, დაასახელეს მათზე წარმოდგენილი საგნები და მიუწერეს სახელები. წაიკითხეს ლექსი"ტყე", კითხვისას ფერადი ფანქრით ხაზი გაუსვეს იმ სიტყვებს ,რომლებიც აღნიშნავდა საგანს და გამოიტანეს დასკვნა, რომ ჩვენს ირგვლივ უამრავი საგანია. ყოველ საგანს თავისი სახელი აქვს.

მეოთხე დღე

საწრეო მუშაობის მეოთხე დღეს მოსწავლეებმა მარცვლებისაგან შეადგინეს "მარცვალთა მძივი" და ჯგუფებში ივარჯიშეს ხმამაღლა და სწრაფად კითხვაში, შემდეგ მარცვლებისაგან ააწყვეს რაც შეიძლებოდა მეტი სიტყვა.
შემდგომ ეტაპზე მათ მივაწოდე სიტყვები, რომლებიც თავად დაყვეს გადასატანდ და წარმოადგინეს სიტყვის დაგატანის ყველა შეაძლო ვარიანტი. ივარჯიშეს სხვადასხვა სიტყვების გადასატანად დაყოფაზე.

მესამე დღე

საწრეო მუშაობის მესამე დღე დავიწყეთ მიზნის გაცნობით. მოსწავლეებმა ჩემს მიერ მიწოდებული ბარათებიდან ამოარჩიეს ის ბარათები რომლებზედაც მარცვლები ეწერა. ახსნეს რატომ ამოარჩიეს ეს ბარათები და რით განსხავდებოდა მათ მიერ ამორჩეული ბარათები სხვებისაგან. არჩეული ბარათებით ააწყვეს "მარცვლის მატარებელი" და წაიკითხეს ხმამაღლა. შემდგომ ეტაპზე თავად შეადგინეს მარცვლები: ხმოვნისაგან, ხმოვნისა და თანხმოვნისაგან, ხმოვნისა და თანხმოვნებისაგან და გამოიტანეს დასკვნა რომ მარცვალი შეიძლება იყოს ცალკე მდგომი ხმოვანი, ხმოვანისა და თანხმოვნის ან ხმოვნისა და თანხმოვნების ჯგუფი. შეასრულეს პრაქტიკული სავარჯიშოები.

მეორე დღე

                                                   საწრეო მუშაობის მეორე დღე
მეორე მეცადინეობა დავიწყეთ წინა დღეს განხილული საკითხების გახსენებით, რისთვისაც გამოვიყენე მეთოდი "გონებრივი იერიში". შემდგომ მოსწავლეებს მივეცი შეცდომით დაწერილი სიტყვები, მათ ამოცნეს შეცდომები და გაასწორეს შეცდომები. წინასწარ ფორმატზე ჩამოწერილი სიტყვები დაშალეს ასო-ბგერებად და წარმოადგინეს ჯგუფის  წინაშე. ბარათებისგან, რომლებზედაც ასოები ეწერა შეადგინეს სიტყვები. მეცადინეობის ბოლოს დაეხმარნენ ბურატინოს დაბნეული სიტყვების აკრეფაში.
                                                  მუშაობის ამსახველი ფოტო მასალა:

საწრეო მუშაობის პირველი დღე

საწრეო მუშაობა

23.10.2017წ.

წრის მუშაობის პირველი  დღე წარიმართა წინასწარ დასახული გეგმის მიხედვით. შეხვედრის დასაწყისში მოსწავლეებს გავაცანი სამუშაო თემატიკა და მუშაობისათვის საჭირო მასალა. კეთილგანწყობილი ურთიერთობის დასამყარებლად მოსწავლეებმა იმუშავეს პოსტერზე „ყველაფერი ჩემ შესახებ“ , გააკეთეს თავიანთი ნამუშევრის პრეზენტაცია. წაიკითხეს მოთხრობა „გაბუტული თუ გაპუტული“, გამოიტანეს დასკვნა რომ ასო-ბგერის სწორად აღქმასა და წაკითხვას დიდი მნიშვნელობა აქვს.

საწრეო მუშაობის ამსახველი ფოტო მასალა

მოსწავლეები მუშაობენ პოსტერზე „ყველაფერი ჩემ შესახებ“

მოსწავლეები მუშაობენ ნ. შარაშენიძის მოთხრობაზე „გაბუტული თუ გაპუტული“

საწრეო მუშაობის პროგრამა

საწრეო მუშაობა

წრის დასახელება: „ენა დედაა ერისა“

წრის ხელმძღვანელი: ნანა აბულაძე

მიზნობრივი ჯგუფი: ქ.ტყიბულის №1 საჯარო სკოლის II -ა  კლასის მოსწავლეები

წრის მიზანი:  მოსწავლეთა ცოდნის გაღრმავება ე.ს.გ.-ს მოთხოვნების მიხედვით

·         თავისუფლად ამოიცნობს ნაცნობ სიტყვებს.

·         დამარცვლით კითხულობს უცნობ სიტყვებს.

·         ხმამაღლა (მთლიანი სიტყვებით ან დამარცვლით) კითხულობს მარტივი წინადადებებისგან შედგენილ მცირე ზომის ტექსტს. ცდილობს დაიცვას პაუზა სასვენ ნიშნებთან.

·         ადარებს და კითხვის დასმის საშუალებით აჯგუფებს სიტყვებს.

·         წერს კარნახით.

·         კითხულობს საკუთარ ნაწერს ხმამაღლა და ასწორებს შემჩნეულ შეცდომებს.

მოკლე მიმოხილვა:  წრის მუშაობა ხელს შეუწყობს გაკვეთილზე მიღებული გრამატიკული საკითხების  ცოდნის   გაღრმავება-განმტკიცებას, რაც მოსწავლეებს დაეხმარება  ზეპირი და წერითი მეტყველების კულტურის დახვეწასა  და სხარტი აზროვნების  ჩვევის  ჩამოყალიბებაში.

წრის ხანგრძლივობა:  2017-18 სასწავლო წრის პირველი სემესტრი.  10 შეხვედრა. თითო შეხვედრის ხანგრძლივობა ერთი აკადემიური საათი.

წრის სამუშაო პროგრამა

№	თვე და რიცხვი	თემა	აქტივობა	მიზანი	რესურსი
1	23.10	შეხვედრა წრის წევრებთან. სამუშაო თემატიკის გაცნობა. ბგერა და ასო	·         მინი ლექცია. ·         პოსტერი „ყველაფერი ჩემ შესახებ“ ·         ნ. შარაშენიძის „გაბუტული თუ გაპუტული“	სამუშაო ფორმატის გაცნობა. კეთილგანწყობილი ურთიერთობის დამყარება. ასო-ბგერის მნიშვნელობის განსაზღვრა.	ფორმატი, მარკერი, ფერადი ფანქრები, ბუკი.
2	30.10	მსგავსება-განსხვავება ასო-ბგერებს შორის	·         „შეცდომების ამოცნობა“ ·         სიტყვის დაშლა ბგერებად ·         ბგერის გაერთიანება სიტყვებად ·         „დავეხმაროთ ბურატინოს“	ამოიცნობენ შეცდომით დაწერილ ასო-ბგერას. შეძლებენ სიტყვის დაშლას ბგერებად და ბგერებისაგან სიტყვის შედგენას. შეასრულებენ პრაქტიკულ სავარჯიშოებს	წინასწარ გამზადებული ფორმატი. ფურცლები, საწერ -კალამი
3	6.11	რომელია მარცვალი	·         „მარცვლის მატარებელი“ ·         ასო-ბგერებისაგან მარცვლების შედგენა. ·         პრაქტიკული სავარჯიშოების შესრულება	შეძლებენ მარცვლის ამოცნობას და ასო-ბგერებისაგან თავად შეადგენენ მარცვალს	ბარათები, რვეული, საწერ-კალამი, დაფა, ცარცი
4	13.11	სიტყვის დამარცვლა და გადატანა	·         „მარცვალთა მძივი“ ·         შემიძლია სიტყვის დამარცვლა. ·         ვყოფ სიტყვებს გადასატანად ·         პრაქტიკული სავარჯიშოები	შეძლებენ სიტყვების დამარცვლას გადასატანად	ბარათები მარცვლებით, რვეული, საწერ-კალამი, ფურცლები
5	20.11	სიტყვა- საგნის სახელი	·         შემიძლია საგნების ამოცნობა ·         მონიშვნებით კითხვა ·         პრაქტიკული სავარჯიშოების შესრულება	სურათზე ამოიცნობენ საგნებს და მიუწერენ სახელს. შეძლებენ აზრის გამოთქმას და დასკვნის გამოტანას	სურათები სხვადასხვა საგნის გამოსახულებით,სახელმძღვანელო ფურცლები, საწერ კალამი, ფორმატი, მარკერი, ლექსი „ტყე“
6	27.11	სულიერი და უსულო საგნის სახელები	·         „გონებრივი იერიში“ ·         შევავსოთ ცხრილი ·         დამოუკიდებელი სამუშაო	დაასახელებენ და დააჯგუფებენ საგნებს , შეავსებენ ცხრილს, შეასრულებენ დამოუკიდებელ სამუშაოს	დაფა, ცარცი, ფორმატი, მარკერი, რვეული, საწერ-კალამი, ტექსტი „დილის სურათი“
7	4.12	ვინ და რა ჯგუფის სახელები	·         ბარათებით მუშაობა ·         აზრობრივი რუკა ·         პრაქტიკული სავარჯიშოების შესრულება	ამოიცნობენ და დააჯგუფებენ საგნებს ვინ და რა ჯგუფის მიხედვით, შეასრულებენ პრაქტიკულ სავარჯიშოებს	ბარათები გამოტოვებული სიტყვებით, ფლიფჩარტი, მარკერები, რვეული, საწერ-კალამი
8	411.12	კითხვის დასმა საგნის აღმნიშვნელ სახელზე	·         „ყველაზე ყურადღებიანი“ ·         ბარათებზე მუშაობა ·         ცხრილის შევსება ·         დამოუკიდებელი სამუშაო	შეძლებენ ყურადღების კონცენტრირებას, შეძლებენ შეკითხვის სწორად დასმას.	ბარათები სხვადასხვა გამოსახულებით, ფლიფჩარტი, მარკერები, რვეული საწერ-კალამი
9	18.12	საგნის რიცხვი	·         „ერთი და ბევრი“ ·         გამოტოვებული ადგილების შევსება ·         დამოუკიდებელი სამუშაო	შეძლებენ საგნის მხოლობითი და მრავლობითი რიცხვის წარმოებას	ბუკი, დაფა, ცარცი, საწერ-კალამი, რვეული
10	25.12	შემაჯამებელი ტესტი	ტესტზე მუშაობა	შეძლებენ მიღებული ცოდნის წარმოჩენას	ტესტი,საწერ-კალამი

სკოლის დირექტორი:                     /ვ. ქენქაძე/

                                                   19.10.2017წ.